ព្រះមហាក្សត្រយាងដល់ព្រះរាជាណាចក្រកម្ពុជាវិញបន្ទាប់ពីចូលរួមមហាសន្និបាតអង្គការយូណេស្គូនៅប្រទេសបារាំង
ភ្នំពេញ៖ ព្រះមហាក្សត្រនៃព្រះរាជាណាចក្រកម្ពុជា សម្ដេចព្រះបរមនាថ នរោត្តម សីហមុនី ស្ដេចយាងដល់កម្ពុជាវិញហើយនៅវេលាម៉ោងប្រមាណ ១០និង២០នាទីព្រឹកនេះ បន្ទាប់ពីព្រះអង្គបានយាងចូលរួមមហាសន្និបាតលើកទី៤១ ក្នុងឱកាសបុណ្យខួបទី៧៥ នៃអង្គការយូណេស្កូ នៅសាធារណរដ្ឋបារាំងកាលពីថ្ងៃពុធ ទី១០ ខែវិច្ឆិកា សប្ដាហ៍មុន។
ក្នុងឱកាសចូលរួមមហាសន្និបាតនោះព្រះមហាក្សត្រក៏បានយាងថ្លែងសន្ទុរកថា និងមានព្រះរាជឱង្ការស្នើអង្គការយូណេស្កូ ដាក់បញ្ចូល «គុណល្បុក្កតោ ក្បាច់គុណបុរាណខ្មែរ» និង «រមណីយដ្ឋានបុរាណវិទ្យាកោះកេរ្តិ៍» ក្នុងបញ្ជីសម្បត្តិបេតិកភណ្ឌវប្បធម៌ពិភពលោកផងដែរ។
ព្រះអង្គយាងចាកចេញពីទីក្រុងប៉ារីស ប្រទេសបារាំង កាលពីល្ងាចថ្ងៃទី១៤ ខែវិច្ឆិកា ម្សិលមិញ៕
PHOTO: TVK
